1Cor 9 | Ndebele | STEP | Kangisuye umphostoli yini ? Kangikhululekanga yini ? Angimbonanga yini uJesu Kristu iNkosi yethu? Lina kalisiwo yini umsebenzi wami eNkosini ?

1 Kangisuye umphostoli yini ^a? Kangikhululekanga yini ^b? Angimbonanga yini ^c uJesu Kristu iNkosi yethu? Lina kalisiwo yini umsebenzi wami eNkosini ^d? 2 Uba ngingesuye umphostoli kwabanye, kodwa nginguye sibili kini; ngoba lina liluphawu ^e lobuphostoli bami ^f eNkosini. 3 Ukuziphendulela ^g kwami kwabangihlolayo ^h yilokhu. 4 Kasilamandla yini okudla ⁱ lokunatha? 5 Kasilamandla yini ^j okuhambahamba lomzalwanekazi ^k ongumkethu ^{▼▼ inkosikazi: kumbe, owesifazana.}, njengabanye abaphostoli labo, labafowabo ^m beNkosi, loKefasi ⁿ? 6 Kumbe yimi ngedwa loBarnabasi ^o yini esingelamandla okungasebenzi ^p? 7 Ngubani owake waphuma impi ^q ngezakhe indleko ^r? Ngubani ohlanyela ^s isivini, angadli okwesithelo saso? Kumbe ngubani owelusa ^t umhlambi ^u, angadli okochago lomhlambi ^v? 8 Kambe lezizinto ngizitsho ngokomuntu ^w? Kumbe lomlayo kawutsho lezizinto yini? 9 Ngoba kulotshiwe emlayweni kaMozisi ukuthi: Ungayifaki isayeke inkabi ^x ebhula ^y amabele. Kambe uNkulunkulu ukhathalela inkabi? 10 Kumbe utsho ngenxa yethu isibili? Ngoba kubhalwe ngenxa yethu ^z, ukuze kuthi olimayo ^aa kufanele alime ethembeni, lobhulayo ^ab esethembeni uhlanganyela ethembeni lakhe. 11 Uba thina sahlanyela ^ac kini okomoya, kuyinto enkulu yini uba sivuna okwenu okwenyama? 12 Uba abanye behlanganyela lamandla phezu kwenu ^ad, kakhulu kangakanani thina? Kodwa kasiwasebenzisanga ^ae lawomandla, kodwa sibekezelela konke ^af, ukuze singabeki isikhubekiso ^ag evangelini likaKristu. 13 Kalazi yini ukuthi labo abasebenza ezintweni ezingcwele ^ah badla okwethempeli, labo abalinda ilathi bahlanganyela lelathi? 14 Ngokunjalo iNkosi layo ilayile ^ai ukuthi labo abatshumayela ivangeli baphile ^aj ngevangeli. 15 Kodwa mina angisebenzisanga lalunye lwalezizinto ^ak; futhi kangibhalanga lezizinto ukuze kwenziwe njalo kimi, ngoba kungaba ngcono kimi ukuthi ngife, kulokuthi umuntu akwenze ize ukuzincoma kwami ^al. 16 Ngoba loba ngitshumayela ivangeli, kangilakuzincoma ^am; ngoba imfanelo yetheswe mina ^an; kodwa maye kimi ^ao, uba ngingatshumayeli ivangeli! 17 Ngoba uba ngisenza lokhu ngokuzithandela, ngilomvuzo ^ap; kodwa nxa kungeyisikho ngokuzithandela, ubuphathi ^aq bunikelwe kimi. 18 Pho umvuzo wami uyini ^ar? Uyikuthi nxa ngitshumayela ivangeli ngenze ^as ukuthi ivangeli likaKristu lingabizi lutho, ukuze ngingasebenzisi kakhulu ^at amandla ami evangelini.

UPawuli uyisigqili sabo bonke

19 Ngoba ngikhululekile ^au kubo bonke, ngizenze ^av isigqili sabo bonke, ukuze ngizuze abanengi kakhulu ^aw. 20 LakumaJuda ^ax ngaba njengomJuda, ukuze ngizuze amaJuda ^ay; kwabangaphansi komlayo ^az njengongaphansi komlayo, ukuze ngizuze ^ba abangaphansi komlayo; 21 kwabangelamlayo ^bb njengongelamlayo (ngingesuye ongelamlayo kuNkulunkulu kodwa ngiphakathi komlayo kuKristu ^bc), ukuze ngizuze abangelamlayo ^bd; 22 kwababuthakathaka ^be ngaba njengobuthakathaka, ukuze ngizuze ababuthakathaka ^bf; ngaba yikho konke ^bg kubo bonke, ukuze ngakho konke ngisindise abanye ^bh. 23 Lalokho ngikwenza ngenxa yevangeli ^bi, ukuze lami ngibe ngohlanganyela kulo.

Umfanekiso wesigijimi

24 Kalazi yini ukuthi abagijima emjahweni bagijima bonke, kodwa munye owemukela umvuzo ^bj? Ngokunjalo gijimani ^bk, ukuze liwuzuze ^bl. 25 Labo bonke abancintisanayo ^bm bayazithiba ^bn ezintweni zonke; labo-ke ukuze bemukele umqhele ^bo ophelayo, kodwa thina ongapheliyo ^bp. 26 Mina-ke ngigijima ^bq ngokunjalo hatshi njengongaqondanga lutho; ngilwa ngokunjalo hatshi njengodabula umoya ^br; 27 kodwa ngiyawudinda umzimba wami ^bs ngiwenze isigqili ^bt, hlezi kuthi, sengitshumayeze abanye ngilahlwe ^bu mina uqobo.